Trajnerja shqiptare Elena Sadiku nominohet për çmimin “Trajnerja e Vitit 2026”

Trajnerja Elena Sadiku është nominuar për çmimin “Trajnerja e Vitit 2026” në futbollin e femrave. Ajo gjendet në listën e ngushtë prej pesë trajnerëve të nominuar për këtë trofe.

Ky është një vlerësim i madh për 32-vjeçaren nga Kosova, e cila në vitet e fundit është shndërruar në një prej emrave më të vlerësuar në futbollin evropian.

Ajo është e vetmja trajnere femër në këtë listë, gjë që e bën nominimin e saj edhe më të rëndësishëm. Rivalët e saj janë Jonatan Giraldez i Olympique Lyonnes, Andree Jeglertz i Manchester City, Nils Nielsen i kombëtares japoneze të vajzave dhe Pere Romeu i Barcelonës.

Elena është nominuar për këtë çmim për shkak të arritjeve të saj historike të shënuara me klubin Celtic. Trajnerja shqiptare e mori drejtimin e skuadrës skoceze të futbollit të vajzave në janar të 2024 duke lënë një gjurmë të pashlyeshme në klub.

Nën drejtimin e saj Celtic fitoi titullin e parë kampion në Scottish Women’s Premier League dhe arriti të sjellë skuadrën e Celtic FC Women në skenën e madhe të futbollit evropian.

Në dhjetor të 2025, Sadiku u transferua te skuadra e BK Häcken dhe e drejtoi ekipin te triumfi i Women’s Europa Cup, titulli i parë kontinental i këtij klubi që nga 1970.