Ekipet palestineze të mbrojtjes civile, gjatë gërrmimit të varrezave masive në Spitalin Nasser në Khan Younis, kanë bërë një zbulim që ka tronditur vëzhguesit ndërkombëtarë:

Mes qindra trupave të dekompozuar të nxjerrë, shpëtimtarët gjetën mbetje të fëmijëve dhe foshnjave me duart e lidhura me lidhëse plastike.
Mbi 390 trupa u nxorën nga tre lokacione të ndara varrezash brenda kompleksit të spitalit, pas tërheqjes së forcave izraelite në prill të vitit 2024.

Zyrtarët e Mbrojtjes Civile raportuan plagë nga armë zjarri në kokë, pacientë të varrosur ende me rrobat e spitalit dhe me kanila intravenoze ende në lëkurë, si dhe shenja që përputhen me ekzekutime në terren. Shefi i provave në Mbrojtjen Civile, Dr. Muhammad Al-Mughair, konfirmoi se 78 nga trupat e gjetur ishin të fëmijëve.

Organizata Euro-Med Human Rights Monitor me seli në Gjenevë ka dokumentuar mbi 130 lokacione varrezash masive në gjithë Gazën që nga tetori i vitit 2023, përfshirë oborre spitalesh, shkolla, xhami dhe lagje banimi.

Komisioneri i Lartë i OKB-së për të Drejtat e Njeriut, Volker Türk, i përshkroi gjetjet si “tronditëse”, duke kërkuar që hetuesve të pavarur ndërkombëtarë t’u lejohet qasje e menjëhershme dhe e papenguar në të gjitha vendet. Këshilli i Sigurimit i OKB-së më pas publikoi një deklaratë zyrtare ku kërkoi hetime gjithëpërfshirëse dhe transparente mbi rrethanat që Këshilli i cilësoi si shkelje të mundshme të së drejtës ndërkombëtare.

Deri më tani, asnjë hetim i pavarur mjeko-ligjor nuk është lejuar të hyjë në Gaza.