𝘿𝙤𝙧𝙖𝙘𝙖𝙠 𝙥𝙚𝙧 𝙩𝙚 𝙙𝙚𝙢𝙖𝙨𝙠𝙪𝙖𝙧 𝙣𝙟𝙚 𝙠𝙧𝙞𝙥𝙩𝙤𝙍𝙖𝙢𝙞𝙨𝙩:

♦️Njerëz që nuk kanë shkuar kurrë tek kjo protestë, i «qajnë hallin» asaj se s’ka organizim as lider;

♦️Ata që nuk i durojnë dot folësit që ngjiten në tribunë, «shprehin keqardhjen» se mos këta po i gënjen Irani apo Greqia;

♦️Personazhe që dëshërojnë të mbyllet sa më shpejt, «merakosen» se po mpaket dhe zvoglohet në numra;

♦️Sharlatanë që se kanë ngritur kurrë zërin për ajrin e Tiranës, janë bërë papritmas të ndjeshëm për ndotjen e rrugëve nga manifestuesit;

♦️Tifozë të ethshëm të Big Brother, tani bezdisen nga protagonizmi i blogereve;

♦️Puritanë që s’kanë ngritur një pikpyetje për milionat e tenderave të rrugëve, këmbëngulin të mësojnë se kush i financon flamingot prej kartoni;

♦️”Intelektualë” që kanë bërë paqe me praninë e Zeqinesë në parlament, pengohen nga shkollimi i dobët i atyre që marshojnë ne shesh;

♦️Hipokritë që se kanë vënë re kurrë vjedhjen e votës, predikojnë se kjo krizë nuk zgjidhet dot përveçse me zgjedhje;

♦️Indiferentë për llahtaret që kanë ndodhur kur u shemb teatri, apo kur fëmijët u nxorën me gaz lotsjellës tek shtëpitë, te stacioni i trenit, merakosen se kjo lëvizje mos eskalon në dhunë;

Eshtë shumë e thjeshtë ta kuptosh se çdokush nxjerr të tilla yçkla, nuk ka fare hallin e protestës, thjeshtë ka të lidhur zemrën dhe xhepin me Ramën.

Po të mendohesh dhe pak e kupton se janë po të njëjtët që deri tani mbroheshin me alibinë se ky i fundit e ka bërë borxh, por fatkeqësisht kundër tij s’ka alternativë

Shkruan Andi Bushati: