Genc Paçuku nga Londra: “Demokrat po, ushtar partie kurrë – lirinë e mendimit nuk ia dorëzoj askujt!”

Një deklaratë e fortë politike, por mbi të gjitha një manifest personal për lirinë e mendimit dhe të drejtën për të kritikuar edhe atë forcë politike që ka mbështetur. Genc Paçuku, emigrant shqiptar prej vitit 1995 dhe prej vitesh aktiv në debatin publik të diasporës, artikulon hapur qëndrimin e tij mbi atë që ai e konsideron demokraci të vërtetë: të mendosh me kokën tënde, të mos i nënshtrohesh verbërisht siglës së një partie dhe të mos e ngatërrosh besnikërinë politike me heshtjen përballë gabimeve.

Në një reagim të gjatë nga Londra, Paçuku deklaron se mbështetja e tij ndër vite për Partinë Demokratike nuk ka qenë e lidhur me poste, privilegje apo përfitime personale. Përkundrazi, ai këmbëngul se pikërisht bindjet demokratike i japin të drejtën dhe, sipas tij, edhe detyrimin për të kritikuar çdo vendim që e konsideron të gabuar apo në kundërshtim me interesin shqiptar.

Mesazhi i tij prek një nga debatet më të ndjeshme brenda politikës shqiptare: a duhet një mbështetës partie të heshtë kur nuk pajtohet me drejtimin e saj, apo demokracia fillon pikërisht aty ku qytetari refuzon bindjen pa kushte? Paçuku zgjedh qartësisht të dytën. Ai distancohet nga militantizmi, nga politika e interesit personal dhe nga përdorimi i sharjes si instrument politik, duke deklaruar se nuk pranon të jetë “vegël e dikujt” dhe se do të mbetet përfaqësues i mendimit të vet.

Në thelb, deklarata e tij është edhe një vijë e kuqe ndaj idesë së besnikërisë absolute ndaj partisë: partia mund të mbështetet, por nuk mund të vendoset mbi ndërgjegjen, mendimin e lirë dhe interesin publik. Paçuku paralajmëron se do të vazhdojë të flasë, të kritikojë dhe të mbajë qëndrime edhe atëherë kur ato mund të mos u pëlqejnë njerëzve të së njëjtës bindje politike.

Dhe pikërisht me këtë premisë, Genc Paçuku e nis deklaratën e tij:

Më poshtë deklarata e plotë e zotit Genc Paçuku.

Te jesh demokrat do te thote te mendosh ne menyre demokratike, te veprosh ne menyre demokratike, te sillesh ne menyre demokratike dhe te kesh kulture demokratike qe ndryshe do te thote nuk duhet detyrimisht te jesh anetare apo simpatizant i PD-se.

Jemi dakord deri ketu?

Nese po, vazhdojme me poshte.

Une, Genc Pacuku emigrant i perhershem qe nga viti 1995, 25 vite ne Greqi e kam hyre ne vitin e shtate emigrant ne Mbreterine e Bashkuar nuk kam perfituar kurre asgje nga asnje parti politike por kam mbeshtetur PD ne opozite, kur ka patur nevoje.
Nuk kam perfituar kurre asgje nga kjo parti, as post politik, as post qeveritar dhe kurre nuk e kam perdorur apo shfrytezuar siglen e kesaj partie per perfitime te miat.
Nuk jam betuar as ne Kanun, as ne Bibel, as ne Kuran dhe as ne Kushtetute ne emer te Partise dhe per bese ndaj partise.
Shqiptareve ju kam nje borxh qe nuk shkoj kurre majtas dhe ngelem nje antikomunist.
Kam nje borxh qe ne cdo levizje politike qe une mund te angazhohem une nuk ofendoj apo vjelle vrere per asnje politikan dhe parti politike per te rritur kreditet per vete duke u munduar te demtoj dike.
Por patjeter qe do kritikoj sa here qe une mendoj se dicka eshte bere gabim dhe bie ndesh me interesin shqiptar.
Ne asnje moment as nuk jam shitur apo blere dhe as nuk do te shitem apo te blihem dhe do jem perfaqesues I mendimit tim dhe jo vegel e dikujt.
Do kem gjithnje moral personal dhe politik.
Nese ju qe me ndiqni nuk ndani dot kritiken nga sharja dhe I fusni te gjitha ne nje thes, atehere nuk eshte problemi im por problemi juaj.
E vetmja shkelje e ketij premtimi do jete gjuha ndryshe, pak e ashper me Rilindjen qe e quaj nje levizje politike antishqiptare.
Nuk kam kerkuar as vota e as mbeshtetje dhe nuk do kerkoj asnjehere por nese do mundem do paraqitem si alternative dhe pastaj njerezit do ta gjykojne.
Si perfundim:
Do jem i lire te mendoj dhe veproj ashtu sic ma jep truri pa marre parasysh asgje dhe askend por do respektoj si rregullat kanunore ashtu edhe ligjore.
Nuk do ti bie kujt ne qafe por nuk do ta humb lirine e mendimit dhe shprehjes dhe te drejten demokratike per askend.
Ju pershendes lexues te statusit tim.
Me respekt
Genc Pacuku
Londer