🟥➖ 302 milionë euro borxh për çfarë?

🔻➖Për armë, apo për një pazar që nuk duhet ta dijë askush?

Qytetarëve nuk u interesojnë justifikimet procedurale të opozitës dhe as manovrat e shumicës. Qytetarët duan një përgjigje të vetme, të qartë:

➖Për çfarë do të merren 302 milionë euro borxh, që do t’i paguajmë me taksat tona?

➖Çfarë po blihet konkretisht? Armë? Sisteme mbrojtjeje? Automjete ushtarake? Pajisje elektronike? Apo diçka tjetër?

➖Kush është shitësi? Kush e përzgjedh kompaninë? Ministria e Mbrojtjes, qeveria shqiptare, pala amerikane, kompani private, kompani izraelite, apo ndonjë oligark që pret të përfitojë miliona?

➖Pse mbahet e fshehtë përmbajtja e marrëveshjes? Çfarë ka aty që qytetarët nuk duhet ta dinë, ndërkohë që faturën do ta paguajnë ata?

Këto janë pyetjet që duhet të ngrejë një opozitë e vërtetë. Jo të qajë hallin e procedurave parlamentare, ndërsa pranon paraprakisht se do ta votojë marrëveshjen pa i treguar publikut se çfarë përmban.

🌘Zoti Bardhi, nëse besoni se janë shkelur Kushtetuta dhe të drejtat e deputetëve, a do t’i drejtoheni Gjykatës Kushtetuese, apo kjo deklaratë do të mbetet edhe një reagim formal, për konsum mediatik?

Kjo është arsyeja pse gjithnjë e më shumë protestues ju quajnë një opozitë pa qëndrim, pa guxim dhe pa përfaqësim.

Ne nuk kërkojmë teatër parlamentar.

Kërkojmë transparencë.

Sepse 302 milionë euro nuk janë të Edi Ramës dhe as të Gazment Bardhit. Janë para të shqiptarëve. Dhe shqiptarët kanë të drejtë të dinë çdo cent, çdo kontratë dhe çdo përfitues.

AGORA